(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.169. అధ్యాయః 169
Mahabharata - Shanti Parva - Chapter Topics
కకసత్కృతేన గౌతమేన తచ్చోదనయా తత్సుహృదో విరూపాక్షనాంనో రాక్షసస్య నగరం ప్రతి గమనం॥ 1॥
Mahabharata - Shanti Parva - Chapter Text

భీష్మ ఉవాచ। 12-169-0x(5859)(71752)
గిరం తాం మధురాం శ్రుత్వా గౌతమో విస్మితస్తదా।
కౌతూహలాన్వితో రాజన్రాజధర్మాణమైక్షత॥ 12-169-1(71753)
రాజధర్మోవాచ। 12-169-2x(5860)
భోః కాశ్యపస్య పుత్రోఽహం మాతా దాక్షాయణీ మమ।
సతీ త్వం చ గుణోపేతః స్వాగతం తే ద్విజోత్తమ॥ 12-169-2(71754)
భీష్మ ఉవాచ। 12-169-3x(5861)
తస్మై దత్త్వా స సత్కారం విధిదృష్టేన కర్మణా।
శాలపుష్పమయీం దివ్యాం బృసీం సముపకల్పయత్॥ 12-169-3(71755)
భగీరథరథాక్రాంతదేశాన్గంగానిషేవితాన్।
యే చరంతి మహామీనాస్తాంశ్చ తస్యాన్వకల్పయత్॥ 12-169-4(71756)
వహ్నిం చాపి సుసందీప్తం మీనాంశ్చాపి సుపీవరాన్।
స గౌతమాయాతిథయే న్యవేదయత కాశ్యపిః॥ 12-169-5(71757)
భుక్తవంతం చ తం విప్రం ప్రీతాత్మానం మహామనాః।
శ్రమాపనయనార్థం స పక్షాభ్యామభ్యవీజయత్॥ 12-169-6(71758)
తనో విశ్రాంతమాసీనం గోత్రవృత్తమపృచ్ఛత।
సోఽబ్రవీద్గౌతమోఽస్మీతి బ్రాహ్మణోస్మీత్యుదాహరత్॥ 12-169-7(71759)
తస్మై పర్ణమయం దివ్యం దివ్యపుష్పాధివాసితం।
గంధాఢ్యం శయనం ప్రాదాత్స శిశ్యే తత్ర వై సుఖం॥ 12-169-8(71760)
అపోపవిష్టం శయనే గౌతమం వాక్యవిత్తమః।
పప్రచ్ఛ కాశ్యపిర్వాగ్మీ కిమాగమనమిత్యుత॥ 12-169-9(71761)
తతోఽబ్రవీద్గౌతమస్తం దరిద్రోఽహం మహామతే।
సముద్రగమనాకాంక్షీ ద్రవ్యార్థమితి భారత॥ 12-169-10(71762)
తం కాశ్యపోఽబ్రవీత్ప్రీత్యా నోత్కంఠాం కర్తుమర్హసి।
కృతకార్యో ద్విజశ్రేష్ఠ సద్రవ్యో యాస్యసే గృహాన్॥ 12-169-11(71763)
చతుర్విధా హ్యర్థగతిర్బృహస్పతిమతం యథా।
మిత్రం విద్యా హిరణ్యం చ బుద్ధిశ్చేతి బుధేప్సితా॥ 12-169-12(71764)
ప్రాదుర్భూతోఽస్మి తే మిత్రం సుహృత్త్వం చ మహత్తరం।
సోఽహం తథా యతిష్యామి భవిష్యసి యథార్థవాన్॥ 12-169-13(71765)
తతః ప్రభాతసమయే సుఖం పృష్ట్వాఽబ్రవీదిదం।
గచ్ఛ సౌంయ పథాఽనేన కృతకృత్యో భవిష్యసి॥ 12-169-14(71766)
ఇతస్త్రియోజనం గత్వా రాక్షసాధిపతిర్మహాన్।
విరూపాక్ష ఇతి ఖ్యాతః సఖా మమ మహాబలః॥ 12-169-15(71767)
తం గచ్ఛ ద్విజముఖ్య త్వం స మద్వాక్యప్రచోదితః।
కామానభీప్సితాంస్తుభ్యం దాతా నాస్త్యత్ర సంశయః॥ 12-169-16(71768)
ఇత్యుక్తః ప్రయయౌ రాజన్గౌతమో విగతక్లమః।
ఫలాన్యమృతకల్పాని భక్షయానో యథేష్టతః॥ 12-169-17(71769)
చందనాగురుముఖ్యాని పత్రత్వచవనాని చ।
తస్మిన్పథి మహారాజ సేవమానో ద్రుతం యయౌ॥ 12-169-18(71770)
తతో మనువ్రజం నామ నగరం శైలతోరణం।
శైలప్రాకారవప్రం చ శైలయంత్రార్గలం తథా॥ 12-169-19(71771)
విదితశ్చాభవత్తస్య రాక్షసేంద్రస్య ధీమతః।
ప్రహితః సుహృదా రాజన్ప్రీయమాణః ప్రియాతిథిః॥ 12-169-20(71772)
తతః స రాక్షసేంద్రః స్వాన్ప్రేష్యానాహ యుధిష్ఠిర।
గౌతమో నగరద్వారాచ్ఛీఘ్రమానీయతామితి॥ 12-169-21(71773)
తస్మాత్పురవరాత్తూర్ణం పురుషాః శ్వేతవేష్టనాః।
గౌతమేత్యభిభాషంతః పురద్వారముపాగమన్॥ 12-169-22(71774)
తే తమూచుర్మహారాజ రాజప్రేష్యాస్తదా ద్విజం।
త్వరస్వ తూర్ణమాగచ్ఛ రాజా త్వాం ద్రష్టుమిచ్ఛతి॥ 12-169-23(71775)
రాక్షసాధిపతిర్వీరో విరూపాక్ష ఇతి శ్రుతః।
స త్వాం త్వరతి వై ద్రష్టుం తత్క్షిప్రం సంవిధీయతాం॥ 12-169-24(71776)
తతః స ప్రాద్రవద్విప్రో విస్మయాద్విగతక్లమః।
గౌతమః పరమర్ద్ధి తాం పశ్యన్పరమవిస్మితః॥ 12-169-25(71777)
తైరేవ సహితో రాజ్ఞో వేశ్మ తూర్ణముపాద్రవత్।
దర్శనం రాక్షసేంద్రస్య కాంక్షమాణో ద్విజస్తదా॥ ॥ 12-169-26(71778)

ఇతి శ్రీమన్మహాభారతే శాంతిపర్వణి ఆపద్ధర్మపర్వణి ఏకోనసప్తత్యధికశతతమోఽధ్యాయః॥ 169॥

Mahabharata - Shanti Parva - Chapter Footnotes

12-169-2 అతిథిస్త్వం గుణోపేత ఇతి ఝ. పాఠః॥ 12-169-12 చతుర్విధాహ్యర్థసిద్ధిర్బృహస్పతిమతం యథా। పారంపర్థం తథా దైవం కాంయం మైత్రమితి ప్రభో। ఇతి ఝ. పాఠః॥ 12-169-19 మరువ్రజం నామేతి థ. పాఠః। మరుద్రజం నామేతి ద. పాఠః। మేరువ్రజం నామేతి ఝ. పాఠః॥ 12-169-24 రాక్షసాధిపతిః శ్రీమావ్రాజధర్మేణ ప్రేషితః। యదర్థమిహ మాం ద్రష్టుం ఇతి ట. డ. థ. పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.